A auga é vital para a vida vexetal, posto que o corpo destes seres vivos está constituído por un 90% de auga. Para sobrevivir as plantas precisan auga, así como os nutrientes que son absorbidos polas raíces dende o solo.  Despois de ser absorbida polas raíces sube polo talo ata chegar a todas as partes da mesma, de xeito continuado para que a planta poda seguir con vida.

​

Coñecido o interese dos alumnos de infantil polo mundo das plantas, foron invitados a recibir unha clase práctica onde tomaron parte activa regando e medindo o crecemento das plantas. E o que é máis importante, foron quen de elaborar as súas propias conclusións con respecto ao observado: cando o solo está seco, as plantas non nacen, e cando nos pasamos regando tampouco nacen ou rematan afogándose!

​

Baixo esta pequena explicación, os alumnos de infantil subiron ao cole dos maiores para atender ás explicacións duns "expertos científicos" de 4º da ESO. Durante semanas, os alumnos de Ciencias Aplicadas levaron a cabo un experimento con legumes para comprobar de que xeito afecta o estrés hídrico ás plantas.

​

O experimento consistiu en regar con 5 medidas diferentes (con 10 repeticións por medida) uns vasos coa mesma cantidade de terra e un garbanzo en cada un. Pasados os días, comprobamos o efecto da sequía ou o exceso de auga no crecemento das sementes. 

​

Os alumnos de infantil estiveron moi atentos as explicacións dos maiores e contestaron ás preguntas realizadas, primeiro timidamente e logo con máis entusiamo. Pero o máis importante, comprenderon que:

​

• As plantas "beben" a auga polas raíces.

• As plantas necesitan auga para vivir.

• Cando as plantas non teñen suficiente auga non nacen.

• Cando o solo está encharcado as plantas non nacen.

• Se regamos demasiado, a planta acaba morrendo.

• E, que as plantas que mellor crecen son as que reciben unha cantidade axeitada de auga.

​

​